Պեսկովը մեկնաբանել է Խերսոնից ռուս զինվորականների հեռանալը

Կրեմլում Խերսոնից հեռանալը եւ զորքերի տեղափոխումը Դնեպրի ձախ ափ նվաստացուցիչ չեն համարում, հայտարարել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով լրագրողների հարցին: Տեղեկատվությունը հայտնում է ՌԻԱ Նովոստին:
 

Նա ընդգծել է, որ տարածաշրջանի կարգավիճակը դրանից չի փոխվել։
 

«Դա Ռուսաստանի Դաշնության սուբյեկտ է։ Օրենսդրորեն դա ամրագրված է, որոշված: Այստեղ ոչ մի փոփոխություն չկա և չի կարող լինել», — պարզաբանել է մամուլի քարտուղարը։

Պեսկովը հստակեցրել է, որ իշխանությունները չեն զղջում տարածաշրջանի՝ երկրի կազմի մեջ մտնելու արարողության անցկացման համար:

Բացի այդ, նա հավելել է, որ Կրեմլում չեն մեկնաբանելու վերլուծաբանների կարծիքները, որոնցից մի քանիսը բացասաբար են գնահատել ուժերի տեղափոխումը Դնեպրի ձախ ափ:

Միևնույն ժամանակ, Պեսկովն ասել է, որ չի կարող մեկնաբանել, թե արդյոք Կրեմլում նախկինում քննարկվել են Դնեպրի ձախ ափին վերաբնակեցման վերաբերյալ որոշումները, քանի որ այդ թեման վերաբերում է նաև հատուկ գործողության անցկացմանը: