«Այսօր էլ մենք մեր հայրենի հողերում ենք՝ ադրբեջանա-հայկական սահմանի ուղղությամբ». Ալիևի հայտարարությունը

«Ղարաբաղյան երկրորդ պատերազմի արդյունքները նոր հնարավորություններ են բացում տարածաշրջանի համար»,- այս մասին նոյեմբերի 11-ին Սամարղանդում Թյուրքական պետությունների կազմակերպության 9-րդ գագաթնաժողովում ասել է Ադրբեջանի նախագահ Իլհամ Ալիևը` շարունակելով խոսել, ինչպես ինքն է բնորոշում, «Զանգեզորի միջանցքի» մասին:

Բռնապետը նշել է, որ Ադրբեջանը իր տարածքում լայնածավալ գործունեություն է իրականացնում՝ կապված միջանցքի հետ։

«Զանգեզուրի միջանցքի բացումը շահավետ կլինի տարածաշրջանի բոլոր երկրների համար»,- ասել է Ալիևը։

Խոսելով հայ-ադրբեջանական սահմանի մասին բռնապետը նման հայտարարությամբ է հանդես եկել. «Այսօր էլ մենք մեր հայրենի հողերում ենք՝ ադրբեջանա-հայկական սահմանի ուղղությամբ»:

Հիշեցնենք, որ Ադրբեջանաը 44-օրյա պատերազմից հետո ներխուժել և օկուպացրել է ՀՀ սուվերեն, պետական տարածքի որոշ հատված և չի ենթարկվում մեր երկրից դուրս գալու, իր դիրքեր վերադառնալու կոչ-հորդորենրին: