«Մենք պատրաստվում ենք առաջիկայում նոր առաջարկ ներկայացնել Ադրբեջանին». Փաշինյան
Այսօր` նոյեմբերի 10-ին, կառավարության նիստում ՀՀ վարչապետ Նիկոլ Փաշինյանն անդրադարձավ Ադրբեջանի հետ կոմունիկացիաների վերաբացման պայմանավորվածության գործընթացին:
Նա նշեց, որ Հայաստանն առաջիկայում Ադրբեջանին նոր առաջարկ կներկայացնի նոր ճանապարհների կառուցման վերաբերյալ։
«Ադրբեջանի ղեկավարն ինքն է հրաժարվում նոր կոմունիկացիաների կառուցման առաջարկից, որը ՀՀ–ն գրավոր ձևակերպել և Ադրբեջանին է փոխանցել դեռևս 2021թ–ի դեկտեմբերին։ Ընդ որում` մենք պատրաստվում ենք առաջիկայում այս թեմայով նոր առաջարկ ներկայացնել։ Եվ, ընդ որում, մենք այս թեմայով ևս մեկ` լրացուցիչ առաջարկ ունենք»,– ընդգծեց Փաշինյանը:
Վարչապետը, սակայն, չբացահայտեց նոր առաջարկի մանրամասները։
