«Գարնանը զորքերը կարող են վերսկսել հարձակումը». ԱՄՆ-ից մեկնաբանում են Ռուսաստանի որոշումը Խերսոնի վերաբերյալ

Նյու Յորքի Տնտեսագիտական ակումբում կայացած միջոցառմանը ԱՄՆ-ի զինված ուժերի Շտաբների պետերի կոմիտեի նախագահ, գեներալ Մարկ Միլլին հայտարարել Է, որ հնարավորություն Է տեսնում Ռուսաստանի եւ Ուկրաինայի միջեւ բանակցությունների համար, եւ կողմերին կոչ Է արել օգտվելու դրանից: 

Միլլին մեկնաբանել Է Խերսոնի մարզում զորքերը Դնեպրից այն կողմ հետ քաշելու շուրջ առաջացած իրադրությունը: Նրա արծիքով՝ Ռուսաստանն այդ քայլին Է դիմել, որպեսզի «պահպանի իր ուժերը պաշպանության գծերի վերականգնման համար», թեև գարնանն այդ զորքերը կարող են վերսկսել հարձակումը:

«Բայց կա նաեւ հնարավորություն, հնարավորությունների պատուհան բանակցությունների համար»,- ասել Է Միլլին:

Նրա խոսքը մեջբերում Է Associated Press գործակալությունը: Միլլիի խոսքով` բանակցությունների համար Ուկրաինան եւ Ռուսաստանը պետք Է «փոխադարձաբար ընդունեն», որ հակամարտությունում ռազմական միջոցներով հաղթանակ, ամենայն հավանականությամբ, չի լինի, «ուստիեւ անհրաժեշտ Է դիմել մյուս միջոցներին»: Որպես օրինակ նա բերել Է Առաջին համաշխարհային պատերազմի ավարտման հետ կապված իրադրությունը:

«Երբ կա բանացություններ վարելու հնարավորություն, երբ կարելի Է հասնել խաղաղության, օգտվեք դրանից: Օգտվեք պահից»,- նշել Է Միլլին:

ԱՄՆ-ի զինված ուժերի Շտաբների պետերի կոմիտեի նախագահը նաեւ ասել Է, որ Ուկրաինայի եւ Ռուսաստանի միջեւ բանակցությունների բացակայության կամ դրանց ձախողման դեպքում Միացյալ Նահանգները կշարունակի զենք մատակարարել Կիեւին: