«Չենք պատկերացնում Ռուսաստանն առանց Հայաստանի, Հայաստանն՝ առանց Ռուսաստանի». Տայսաեև
ՌԴ Դաշնային ժողովի Պետական դումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կազբեկ Տայսաեևն ասել է, որ իրենք չեն պատկերացնում Ռուսաստանն առանց Հայաստանի, Հայաստանն՝ առանց Ռուսաստանի: Այս մասին Տայսաևն ասել է Երևանում տեղի ունեցած ՀՀ ԱԺ տարծաշրջանային և եվրասիական ինտեգրման հարցերի մշտական հանձնաժողովի և ՌԴ Պետդումայի ԱՊՀ հարցերի, եվրասիական ինտեգրման և հայրենակիցների հետ կապերի կոմիտեի համատեղ նիստի ժամանակ։
Նիստին քննարկվել են տարածաշրջանային իրադրության վերաբերյալ հարցեր։ Նիստից հետո հրավիրված մամուլի ասուլիսին ԱԺ ՔՊ-ական պատգամավոր Վաղարշակ Հակոբյանը հայտարարեց, որ հյուրերին ներկայացվել է Հայաստանի ինքիշխան տարածքի դեմ Ադրբեջանի ռազմական ագրեսիայի հետևանքով տիրող իրավիճակը և Հայաստանի անվտանգային խնդիրները։ Մանրամասն տեղեկություններ են տրամադրվել Ադրբեջանի ռազմական հանցագործությունների վերաբերյալ:
Կազբեկ Տայսաեևն էլ իր հերթին նշել է, որ ՀՀ խորհրդարանականների հետ այսօր քննարկել ու ձևակերպել են հարցեր, որոնք կօգնեն լուծել ինչպես Վերին Լարսում առկա խնդիրների, այնպես էլ տնտեսական որոշ հարցեր:
