Կրակոցներ՝ ԱՄՆ-ի դպրոցներից մեկում. կան զոհեր և վիրավորներ
ԱՄՆ-ի Սենթ Լուիս քաղաքում (Միսսուրի նահանգ) հրաձգության հետևանքով երեք մարդ է մահացել, այդ թվում՝ դեռահաս աղջիկ և կին։ Ինչպես հայտնում է KMOV հեռուստաալիքը, վկայակոչելով տեղի ոստիկանությանը, ևս ութը վիրավորվել են։
Միջադեպը տեղի է ունեցել տեղական ժամանակով առավոտյան 9:00-ի սահմաններում, վիզուալ արվեստի և կատարողական վարպետության ավագ դպրոցում:
Ժամանած իրավապահները տեսել են շենքից դուրս վազող երեխաների, ինչպես նաև մոտ 20 տարեկան զինված երիտասարդի: Ինչ-որ պահի հանցագործը փոխհրաձգության մեջ է մտել ոստիկաններից մեկի հետ, ինչի արդյունքում նա սպանվել է։
Ներկա պահին ՀԴԲ-ն հետաքննում է միջադեպը։
