Ահաբեկչություն՝ Բելգորոդի շրջանի պոլիգոնում. կան զոհեր. ՌԴ ՊՆ
Այսօր ահաբեկչություն է տեղի ունեցել ՌԴ Բելգորոդի շրջանի պոլիգոնում: Այս մասին հաղորդագրություն է տարածել ՌԴ պաշտպանության նախարարությունը:
Ըստ տեղեկատվության՝ ահաբեկչության հետևանքով 11 մարդ զոհվել է, 15-ը՝ վիրավորվել։ Նշվում է, որ կրակ բացած 2 ահաբեկիչները ոչնչացվել են:
Դեպքը տեղի է ունեցել հատուկ գործողությանը մասնակցելու համար կամավորագրվածների հետ կրակային պարապմունքի ժամանակ:
Համաձայն գերատեսչության տարածած հաղորդագրության՝ Բելգորոդի շրջանի Արևմտյան ռազմական օկրուգի ուսումնավարժարանում ահաբեկչությունը կազմակերպվել է ԱՊՀ երկրներից մեկի երկու քաղաքացիների կողմից։
Ռուսական թելեգրամյան ալիքները նշում են, որ պոլիգոնում կրակ են բացել ազգությամբ տաջիկներ, որոնց հետ կոնֆլիկտը տեղի է ունեցել կրոնական հիմքով:
Ըստ թելեգրամյան ալիքի տեղեկության՝ դեպքը տեղի է ունեցել 138 մոտոհրաձգային գումարտակում:
