ՏԵՍԱՆՅՈՒԹ. Գազի գնի հարցը զգայուն թեմա է. Փաշինյանի բացման խոսքը` ԵԱՏՄ լայն կազմով հանդիպմանը

ԵԱՏՄ-ում գազի գնի հարցը զգայուն թեմա է․ այն բոլորիցս մեծ հասկացվածություն է պահանջում։ Այս մասին այսօր Երևանում ընթացող ԵԱՏՄ անդամ երկրների վարչապետների մասնակցությամբ ընդլայնված կազմով նիստի ընթացքում նշեց ՀՀ վարչապետ Նիկոլ Փաշինյանը։

«ԵԱՏՄ-ում գազի ընդհանուր շուկան թույլ կտա անդամ երկրներին ամբողջ ծավալով օգտվել դրա օգուտներից» - հավելեց Փաշինյանը։

ՀՀ կառավարության ղեկավարն իր խոսքում նշեց նաև, որ ԵԱՏՄ-ում լուրջ հաջողությունների են հասել, ապրանքաշրջանառությունը մեծացել է, տնտեսությունը՝ զարգացել։

Հիշեցնենք, որ Երևանում այսօր` հոկտեմբերի 21-ին մեկնարկել է  Եվրասիական միջկառավարական խորհրդի նիստի լայն կազմով հանդիպումը: ԵԱՏՄ միջկառավարական խորհրդի նիստին մասնակցելու համար ժամանել են Ռուսաստանի Դաշնության վարչապետ Միխայիլ Միշուստինը, Բելառուսի վարչապետ Ռոման Գոլովչենկոն, Ղազախստանի վարչապետ Ալիխան Սմաիլովը,  Ղրղզստանի վարչապետ Ակիլբեկ Ժապարովը և Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը։