«Մենք այնտեղ ոչ ոքի չենք սպանել և չենք էլ պատրաստվում սպանել». Լուկաշենկո
Բելառուսի նախագահ Ալեքսանդր Լուկաշենկոն Բելառուսը ամերիկյան NBC ընկերությանը տված հարցազրույցում հայտարարել է, որ մտադիր չէ ներքաշվել Ուկրաինայի տարածքում ռազմական գործողությունների մեջ, մանավանդ որ Ռուսաստանը նույնպես դա չի խնդրում նրանից:
«Մենք այնտեղ ոչ ոքի չենք սպանել և չենք էլ պատրաստվում սպանել, նախ՝ մեզ ոչ ոք չի խնդրում մասնակցել այս գործողությանը, այս դեպքում՝ Ռուսաստանը, և մենք մտադիր չենք խառնվել դրան: Մենք միշտ խոսել ենք և խոսում ենք դրա մասին, բայց, ըստ երևույթին, նրանք չեն ուզում մեզ լսել»,- ասել է Լուկաշենկոն:
Լրագրողի այն հարցին, թե արդյոք Բելառուսը ձգտում է մասնակցել ռուսական ռազմական գործողությանը, Լուկաշենկոն պատասխանել է, որ ինքը բազմիցս ասել է, որ իր հանրապետությունը մասնակցում է հատուկ գործողության՝ ամեն կերպ աջակցելով Ռուսաստանին։
«Մեր աջակցությունը նրանում է, որ Լեհաստանի և Լիտվայի հետ մեր սահմանները չխախտվեն, և ռուսական զորքերը Բելառուսի միջոցով թիկունքից հարված չստանան»,- ընդգծել է Լուկաշենկոն:
