Պոդոլյակը նշել է՝ երբ կարող է ավարտվել ռուս-ուկրաինական հակամարտությունը

Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը Bild-ին տված հարցազրույցում ասել է, որ Ռուսաստանի և Ուկրաինայի միջև հակամարտությունը կարող է ավարտվել այս ձմռանը: 

Պոդոլյակը նշել է, որ Կիևը մտադիր չէ որևէ ռազմական գործողություններ իրականացնել Ռուսաստանի տարածքում։

«Մենք իրականացնում ենք բացառապես պաշտպանական ռազմական գործողություններ։ Մենք հասկանում ենք, որ չենք կարող անավարտ հակամարտություն թողնել, ինչպես արվեց 2014-2015 թվականներին»,- ասել է նա։

Վերջինիս խոսքով՝ Ուկրաինան կբանակցի այն բանից հետո, երբ «կվերցնի ամբողջ տարածքը», որն իրենն է համարում։ Պոդոլյակը, սակայն, չի հստակեցրել, թե որ տարածքների մասին է խոսքը։