Թուրքիայի հանքում պայթյունի զոհերի թիվը հասել է 14-ի
Թուրքիայի հյուսիսում գտնվող Բարտինի հանքահորում տեղի ունեցած պայթյունի հետևանքով զոհերի թիվը հասել է 14-ի, հայտարարել է Թուրքիայի ներքին գործերի նախարար Սուլեյման Սոյլուն, փոխանցում է Ռիա Նովոստին:
Ավելի վաղ հայտնի էր մահվան երկու դեպքի մասին:
Պայթյունը տեղի է ունեցել Թուրքիայի հյուսիսում գտնվող հանքում, փլատակների տակ կան աշխատողներ, ավելի վաղ հայտնել էր CNN Turk-ը։ A Haber հեռուստաալիքը, վկայակոչելով տեղի իշխանություններին, հայտնում է, որ 300 մետր խորության վրա գտնվող պայթյունի վայրում գտնվել է 115 բանվոր, նրանցից մի քանիսը տարհանվել են։ 49 աշխատող արգելափակված է, ասել է նահանգապետ Բարտինա Նուրթաջ Արսլանը։ Թուրքիայի ներքին գործերի և էներգետիկայի նախարարության ղեկավարներ Սուլեյման Սոյլուն և Ֆաթիհ Դոնմեզը երկրի նախագահ Ռեջեփ Թայիփ Էրդողանի հանձնարարությամբ գնացել են պայթյունի վայր։
