ԱՄՆ դեսպանատունն իր քաղաքացիներին կոչ է արել հնարավորինս արագ լքել Ուկրաինան

Ուկրաինայում ԱՄՆ դեսպանատունը դիմել է երկրում գտնվող ամերիկացիներին և նրանց խորհուրդ տվել հնարավորինս շուտ լքել երկիրն այն բանից հետո, երբ երկուշաբթի առավոտյան բազմաթիվ քաղաքներում պայթյուններ են հնչել։ 

«ԱՄՆ դեսպանատունը կոչ է անում ԱՄՆ քաղաքացիներին պատսպարվել և այնուհետև լքել Ուկրաինան անմիջապես, մասնավոր կերպով՝ օգտագործելով վերգետնյա տրանսպորտի տարբերակները, երբ դա անվտանգ լինի», - ասվում է հայտարարության մեջ։