Ստոլտենբերգն այսօր կանցկացնի չնախատեսված մամուլի ասուլիս

ՆԱՏՕ-ի գլխավոր քարտուղար Ենս Ստոլտենբերգը ուրբաթ օրը ժամը 18:00-ին (Երեւանի ժամանակով ժամը 19:00-ին) կանցկացնի չնախատեսված մամուլի ասուլիս, ելույթի թեմայի մասին չի հաղորդվում, ասված է դաշինքի մամուլի ծառայության տարածած հայտարարության մեջ: Այս մասին հաղորդում է ՌԻԱ Նովոստին:

Հիշեցնենք` ՆԱՏՕ-ի մամուլի ծառայությունը հայտարարություն է հրապարակել «Հյուսիսային հոսք» խողովակաշարերում տեղի ունեցած միջադեպերի կապակցությամբ: Դրանում, դաշինքի կարծիքով, ասված է, որ «Հյուսիսային հոսք» գազատարի արտահոսքը դիտավորյալ գործողությունների արդյունք է:

Ավելի վաղ ՌԴ Գլխավոր դատախազությունը «Հյուսիսային հոսք»-ի վնասվելուց հետո միջազգային ահաբեկչության մասին գործ է հարուցել: ՄԱԿ-ում ՌԴ ներկայացուցչի առաջին տեղակալ Դմիտրի Պոլյանսկին հայտարարել է, որ «Հյուսիսային հոսք» գազատարի դեմ դիվերսիաների կապակցությամբ ՄԱԿ-ի ԱԽ-ի շտապ նիստը նշանակված է Մոսկվայի ժամանակով ժամը 22:00-ին: