Ինչ է լինելու մոբիլիզացված քաղաքացիների աշխատանքի հետ. Պետդուման նախագիծ է ընդունել
Պետդուման երկրորդ եւ երրորդ ընթերցմամբ հավանություն է տվել Զինվորական ծառայության զորակոչված քաղաքացիների համար աշխատանքային երաշխիքների մասին օրինագծին:
Զորացրվելուց հետո զինծառայողը կարող է վերադառնալ նույն կազմակերպություն և այն նույն պաշտոնին, որտեղ աշխատել է։
Աշխատանքային պայմանագրի կասեցումը
Այսպես, ծառայության ընթացքում աշխատանքային պայմանագիրը չի լուծվում, այլ կասեցվում է ։ Գործատուն իրավունք ունի խզել պայմանագիրը, եթե աշխատողը զորացրվելուց հետո երեք ամսվա ընթացքում դուրս չգա աշխատանքի:
Աշխատանքային պայմանագրի գործողությունը վերսկսվում է մոբիլիզացված աշխատողի աշխատանքի զորացրվելու ու վերադառնալու օրը, իր վերադարձի մասին նա պետք է տեղեկացնի երեք աշխատանքային օրվա ընթացքում:
Վճարումներ, արձակուրդ, ստաժ
Գործատուն մինչեւ պայմանագրի գործողության կասեցումը պարտավոր է հավաքագրված աշխատողին տալ ամբողջ աշխատավարձն ու դրան նախորդող ժամանակահատվածի համար հասանելիք վճարները:
Հավաքագրված աշխատողը աշխատանքի վերադառնալուց հետո ՝ վեց ամսվա ընթացքում, ունի ամենամյա վճարովի արձակուրդի իրավունք ՝ իրեն հարմար ժամանակահատվածում:
Աշխատանքային ստաժը, ինչպես նաեւ մասնագիտական ստաժը հաշվարկվում է նաեւ աշխատանքային պայմանագրի գործողությունը կասեցնելուց հետո, այսինքն, երբ վերջինս զինվորական ծառայության կգտնվի:
Վլադիմիր Պուտինը սեպտեմբերի 21-ին մասնակի զորահավաք է հայտարարել Ռուսաստանում ։ Պաշտպանության նախարար Սերգեյ Շոյգուի խոսքով ՝ նման միջոցն անհրաժեշտ է մարտական շփման հազար կիլոմետրանոց գծի եւ ազատագրված տարածքների վերահսկողության համար: Մասնակի զորահավաքի շրջանակներում նախատեսվում է ընդհանուր առմամբ մինչեւ 300 հազար պահեստայինների զորակոչել:
