Ուժեղ կարկուտը մեծ վնասներ է հասցրել Նոյեմբերյանի բնակավայրերին

Նոյեմբերյանի համայնքապետարանի փոխանցմամբ՝ տեղացած ուժեղ կարկուտից առավել տուժել են Բաղանիս, Ջուջևան, Կոթի, Ոսկեվան և Ոսկեպար բնակավայրերը, որտեղ մեծ վնաս է հասցվել գյուղատնտեսական մշակաբույսերին, պտղատու այգիներին և բնակիչների տնտեսություններին։

Նոյեմբերյանի տարածաշրջանի Ջուջեւան բնակավայրում երեկ ժամը 19.30–ի սահմանում տեղացած ուժեղ կարկուտը 100 տոկոսվ վնասել է ամբողջ բերքը։ Այս մասին NEWS.am–ի հետ զրույցում ասաց Ջուջեւանի վարչական ղեկավար Համբարձում Պետրոսյանը։