Իրանի և ԱՄՆ-ի պատվիրակությունների քննարկումների մեկնարկային հարցը կլինի Լիբանանում հրադադարի հաստատումը

Բյուրգենշտոկում Իրանի և ԱՄՆ-ի պատվիրակությունների քննարկումների մեկնարկային հարցը կլինի Լիբանանում հրադադարի հաստատումը։

Բրիտանական Financial Times (FT) պարբերականը, հղում անելով սեփական աղբյուրներին, հայտնել է, որ Բյուրգենշտոկում Իրանի և ԱՄՆ-ի պատվիրակությունների միջև կայանալիք բանակցությունների առաջին թեման լինելու է Լիբանանում հրադադարի հաստատման հարցը, ինչի մասին հաղորդում է TACC-ը։ 

Անանուն դիվանագետի փոխանցմամբ՝ միջնորդ կողմերը նախնական փուլում կդիտարկեն Լիբանանում խախտումների վերահսկման և խաղաղության պահպանման մեխանիզմը, որից հետո միայն անդրադարձ կկատարվի Հորմուզի նեղուցի կարգավիճակին ու Թեհրանի միջուկային ծրագրին։ Բացի այդ, թերթը շեշտում է, որ իրանական ատոմի վերաբերյալ հարցը քննարկվելու է մի քանի շաբաթվա ընթացքում։ ԱՄՆ փոխնախագահ Ջեյ Դի Վենսը նախապես հայտարարել էր, որ սպասվող բանակցությունների առանցքային թեմաների թվում են լինելու Իրանի միջուկային ծրագրին առնչվող հարցերը և Լիբանանի հրադադարը։