Ռուսաստանը սպասում է սեփական նպատակների իրականացմանն ու հաղթանակի

ՌԴ նախագահի օգնական Յուրի Ուշակովը հայտնել է, որ Ռուսաստանը սպասում է ոչ թե ուկրաինական կարգավորման վերաբերյալ Անքորիջում ձեռք բերված պայմանավորվածությունների կատարմանը, այլ հաղթանակի:

«Մենք չենք սպասում այդ ըմբռնումների կամ պայմանավորվածությունների կատարմանը, մենք սպասում ենք հաղթանակի։ Մենք սպասում ենք մեր սեփական նպատակների իրականացմանը», – «Վեստի» լրատվական հաղորդաշարի թղթակից Պավել Զարուբինին ասել է Ուշակովը։

Նա նաև հավելել է, որ Մոսկվայի հայտարարություններն ու նախկինում տրված խոստումները, այդ թվում՝ Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի՝ Անքորիջում կայացած բանակցությունների ժամանակ, հիմնված են եղել և շարունակում են հիմնված լինել Ուկրաինայի հակամարտության վերաբերյալ ՌԴ սկզբունքային դիրքորոշման վրա: 

Ուշակովի շեշտադրմամբ՝ ներկայումս պայմանավորվածությունները պահպանում է միայն մեկ կողմ: Ավելի վաղ ՌԴ նախագահ Վլադիմիր Պուտինը հայտարարել էր, որ Ուկրաինայի հակամարտության կարգավորումը պետք է տեղի ունենա այն պայմանավորվածությունների շրջանակներում, որոնց մասին ինքը խոսել է Թրամփի հետ Անքորիջում՝ հավելելով, որ Կիևը տեղյակ է դրա մասին: