Յուրի Միլներն ու Մարկ Ցուկերբերգը մեղադրվում են գիտնականներին խաբելու մեջ

Ռուս միլիարդատեր Յուրի Միլներին և Մետայի հիմնադիր Մարկ Ցուկերբերգին մեղադրել են «միջաստղային տուրիզմի» ստարտափի շրջանակներում գիտնականներին 7,2 միլիարդ ռուբլու (100 միլիոն դոլար) չափով խաբելու մեջ։

«ՇՈԹ ալիքի» տվյալներով՝ նախկին ռուս գործարար Յուրի Միլները դեռևս 2016 թվականին հիմնել էր նախագիծը՝ պարտավորվելով 100 միլիոն դոլար տրամադրել Երկրին ամենամոտ Ալֆա Ցենտավր աստղային համակարգ թռիչքի տեխնոլոգիա մշակելու նպատակով։ Այս նախաձեռնությանը միացել էին նաև Մարկ Ցուկերբերգը և անվանի ֆիզիկոս Սթիվեն Հոքինգը։ 

Այդուհանդերձ, մեկ տասնամյակ անց ծրագիրը ձախողվել է. գիտնականները բախվել են այնպիսի խնդիրների, որոնց լուծումը ներկայիս գիտության հնարավորություններից վեր է։ Նախագծի «անիրատեսական» լինելու պատճառով նրանք ներդրել են խոստացվածից 22 անգամ պակաս գումար։