«Ո՛չ Հայաստանը, ո՛չ Ադրբեջանը լայնածավալ էսկալացիայի ցանկություն չունեն». Ալիև
Սամարղանդում ընթացող ՇՀԿ գագաթնաժողովի շրջանակներում Ադրբեջանի նախագահ Իլհամ Ալիևի հետ հանդիպման ժամանակ ՌԴ նախագահ Վլադիմիր Պուտինն ասել է, որ Ռուսաստանի Դաշնությունն անհանգստացած է Ադրբեջանի և Հայաստանի միջև ստեղծված իրավիճակով, որը լարված է մնում: Տեղեկատվությունը հաղորդում է ՏԱՍՍ-ը:
Ալիևն իր հերթին շնորհակալություն է հայտնել Վլադիմիր Պուտինին՝ հայ-ադրբեջանական սահմանին տեղի ունեցած հակամարտությանն օպերատիվորեն արձագանքելու համար։
Ըստ ՌԻԱ Նովոստի լրատվական գործակալության` Իլհամ Ալիևն ասել է․
«Վերջին իրադարձությունները ցույց տվին, որ ո՛չ Հայաստանը, ո՛չ Ադրբեջանը լայնածավալ էսկալացիայի ցանկություն չունեն»:
