Կռիվն արդեն գյուղի մոտ տեղակայված դիրքերում է գնում․ Ներքին Հանդի համայնքապետ
Թշնամին շարունակում է հրետակոծել Սյունիքի մարզի Կապան համայնքի Ներքին Հանդի մոտ գտնվող հայկական դիրքերը։ Այս մասին «Հրապարակի» հետ զրույցում ասաց Ներքին Հանդի գյուղապետ Խաչատուր Բաղդասարյանը։
Մեր հարցին, թե տեղեկություններ ունի՞ մեր կողմից զոհերի և վիրավորների մասին, ասաց, որ ինտենսիվ հրետակոծությունը շարունակվում է, ուստի ոչինչ ասել չի կարող։
«Գյուղի տղամարդիկ գյուղում են, կռիվն էլ արդեն գյուղի մոտ տեղակայված դիրքերում է գնում, գնում են դիրքեր- գալիս են՝ պահում ենք գյուղը»,-ասաց Բաղդասարյանը։
Ներքին Հանդի գյուղապետը շեշտեց, որ գյուղում խուճապ չկա, մարդիկ չեն պատրաստվում լքել իրենց հարազատ գյուղը։
«Բոլորս կազմակերպված ենք, ամեն ինչ կարգին է ու գյուղից դուրս գալու մասին խոսակցություն անգամ չկա»,-տեղեկացրեց Խաչատուր Բաղդասարյանը։
