Ադրբեջանը, Ռուսաստանը, և Իրանը ստորագրեցին «Հյուսիս-Հարավ» տրանսպորտային միջանցքի մասին Բաքվի հռչակագիրը

Այսօր Բաքվում Ադրբեջանի, Ռուսաստանի և Իրանի պաշտոնյաների մասնակցությամբ տեղի է ունեցել համատեղ միջոցառում՝ նվիրված «Հյուսիս-Հարավ» տրանսպորտային միջանցքի զարգացման հեռանկարներին։

Ադրբեջանի, Իրանի և Ռուսաստանի միջև տրանսպորտային միջանցքի զարգացմանն առնչվող առաջին եռակողմ հանդիպման արդյունքներով միջոցառման շրջանակում ստորագրվել է Բաքվի հռչակագիրը։

Հռչակագիրը ստորագրել են Ադրբեջանի փոխվարչապետ Շահին Մուստաֆաևը, Իրանի ճանապարհների և քաղաքաշինության նախարար Ռուստամ Ղասեմին և Ռուսաստանի փոխվարչապետ Ալեքսանդր Նովակը։