Թրամփն ու նրա կողմնակիցները ծայրահեղականներ են, որոնք սպառնում են Միացյալ Նահանգների հիմքերին. Բայդեն

Միացյալ Նահանգների նախկին նախագահ Դոնալդ Թրամփը և նրա կողմնակիցները ծայրահեղականության մարմնացումն են, որը սպառնում է ամերիկյան քաղաքական համակարգի հիմքերին, սեպտեմբերի 1-ին Ֆիլադելֆիայում ունեցած ելույթում ասել է ԱՄՆ նախագահ Ջոզեֆ Բայդենը։

«Դոնալդ Թրամփը և MAGA-հանրապետականները (Խմբ.՝ «Դարձրե՛ք Ամերիկան ​​կրկին մեծ», դարձավ առանցքային կարգախոսը Թրամփի նախընտրական արշավում 2016 թ.–ին) ծայրահեղականության մարմնացումն է, որը սպառնում է մեր հանրապետության հիմքերին»,– հայտարարեց նա։ 

Բայդենը Հանրապետական ​​կուսակցության կողմնակիցներին բաժանել է չափավորների և արմատականների՝ MAGA-հանրապետականների։ Նրա խոսքով՝ այդ «արմատականները» իբր չեն հարգում սահմանադրությունն ու օրենքի գերակայությունը, չեն ճանաչում ժողովրդի կամքը։

«Հավասարությունն ու ժողովրդավարությունը հարվածի տակ են: Եվ մենք ինքներս մեզ կվնասենք, եթե ձևացնենք, որ դա այդպես չէ», - ասել է ամերիկացի առաջնորդը:

Նա նաև հավելել է, որ Ամերիկան ​​շրջադարձային փուլում է. Ըստ Բայդենի՝ սա «այն պահերից է, երբ որոշվում է այն, ինչ գալիս է դրանից հետո»։