Դաշայի սպանողներն արդեն Էստոնիայում են․ Մարգարիտա Սիմոնյանն ակնարկել է, թե ինչ է պետք անել

Ռուս լրագրող Դարիա Դուգինայի սպանության մեջ կասկածվող Նատալյա Վովկը ծառայում էր Ուկրաինայի զինված ուժերում։ Այս մասին հաղորդում է «ՌԻԱ Նովոստի»-ն՝ հղում կատարելով կասկածյալի հորը։ «Նա չի ծառայել Ազովում, նա կարծես ծառայում էր Ուկրաինայի զինված ուժերում»,- ասել է նա։ Հոր խոսքով՝ Վովկը բանակից թոշակի է անցել առողջական խնդիրերի պատճառներով։ 

Նշվում է նաև, որ Դուգինայի մահից մի քանի օր առաջ դուստրը կապ է հաստատել նրա հետ։ Ասել է, որ Լիտվայում է։ 

Հիշեցնենք, որ Ռուսաստանի Անվտագության Դաշնային ծառայությունը հրապարակել է լրագրող Դարիա Դուգինայի սպանությունից ժամեր առաջ արված կադրեր, որտեղ երևում է նրա սպանության մեջ կասկածվող Նատալյա Վովկը, ով ըստ գերատեսչության պատրաստվել է սպանությանը: Սպանության օրը Վովկն ու նրա դուստրը եղել են գրական-երաժշտական փառատոնում, որտեղ Դուգինան ներկա է եղել որպես պատվավոր հյուր, իսկ երեկոյան Վովկը կառավարելի պայթյուն է իրականացրել լրագրողի վարած մեքենայում։ Դրանից հետո Վովկն ու աղջիկը Պսկովի շրջանով մեկնել են Էստոնիա։ 

Լրագրող Մարգարիտա Սիմոնյանն  էլ անդրադառնալով թեմային Թվիթերի իր էջում գրել է. «Դաշայի սպանողներն արդեն Էստոնիայում են: Էստոնիան նրանց իհարկե չի արտահանձնի: Մտածում եմ, մեզ մոտ կգտնվեն պրոֆեսիոնալներ, որոնք ցանկություն կունենան հիանալ Էստոնայի մայրաքաղաքի սրաձող աշտարակներով»: