228 օր արձակուրդ․ հանրապետականները Բայդենին մեղադրում են՝ չափից շատ է հանգստանում

2021 թվականի հունվարին պաշտոնը ստանձնելուց հետո ԱՄՆ նախագահ Ջո Բայդենը 228 օր արձակուրդ է վերցրել։ Այս մասին հայտնել է Հանրապետական կուսակցության ազգային կոմիտեն Twitter-ի օգտահաշվում։ Ենթադրվում է նաև, որ այս տարի ամերիկացի առաջնորդը արձակուրդում է եղել 93 օր։ Ավելին, հանրապետականները քննադատել են Սպիտակ տան ղեկավարին այդքան երկար բացակայության համար։ 

«Բայդենն արձակուրդում է օգոստոսի մեծ մասը, մինչդեռ ամերիկացիները ստիպված են չեղարկել իրենց ամառային ճանապարհորդությունները պատմական գնաճի, գազի բարձր գների և ռեցեսիայի պատճառով», - ասվում է կոմիտեի կայքում: 

Հանրապետական ազգային կոմիտեն ԱՄՆ նախագահին հորդորել է «կենտրոնանալ իր ստեղծած ճգնաժամերի վրա։ 

Ավելի վաղ New York Post (NYP) թերթը հայտնել էր, որ իր նախագահության ընթացքում Բայդենն ավելի շատ է հանգստացել, քան իր նախորդներից որևէ մեկը։ Մասնավորապես, 19 ամսվա ընթացքում նա 150 օր անցկացրել է Դելավերի իր նստավայրում։ 

Միաժամանակ, ըստ հրապարակման, ԱՄՆ նախկին առաջնորդ Դոնալդ Թրամփը այնտեղ անցկացրել է 132 օր, Բարաք Օբաման՝ 38, իսկ Ջորջ Բուշը՝ 100 օր։