«Ռուսաստանին մեկուսացնելու ցանկացած փորձ հեռանկար չունի». Պեսկով

ՌԴ նախագահի մամուլի խոսնակ Դմիտրի Պեսկովը մեկնաբանել է Ուկրաինայի նախագահ Վլադիմիր Զելենսկու այն առաջարկը, թե պետք է ռուսներին Արևմուտքից հեռու պահել: Պեսկովը նշել է, որ Ռուսաստանին մեկուսացնելու ցանկացած փորձ հեռանկար չունի։

«Ամենայն հավանականությամբ, այս դեպքում մտածողության իռացիոնալությունը դուրս է գալիս մասշտաբներից: Սա կարելի է միայն ծայրահեղ բացասական դիտարկել: Ռուսներին կամ Ռուսաստանին մեկուսացնելու ցանկացած փորձ գործընթաց է, որը հեռանկար չունի»,- ասել է Պեսկովը։

Ավելի վաղ Ուկրաինայի նախագահ Վլադիմիր Զելենսկին ասել էր, որ արևմտյան երկրները պետք է արգելեն բոլոր ռուսների մուտքն իրենց տարածք։