«Մեզ արագ կվառեն, ամբողջությամբ». Լուկաշենկո

Բելառուսի նախագահ Ալեքսանդր Լուկաշենկոն հայտարարել է, որ հենց որ երկրում կայունությունը խախտվի, դա ավելի վատ կլինի, քան Ուկրաինայում։

«Մեզ արագ կվառեն, ամբողջությամբ։ Եվ դա ավելի վատ կլինի, քան Ուկրաինայում։ Ես դա զգում եմ։ Շատ լուրջ իրավիճակ կլինի, շատ ծանր»,- երեքշաբթի օրը կառավարության նիստում ասել է Լուկաշենկոն։ Տեղեկատվությունը փոխանցում է ՌԻԱ Նովոստին:

Երկրի նախագահի խոսքով` հենց որ բելառուսական հասարակությունում խախտվի կայունությունը, երկրին անմիջապես «օգնություն» կտրվի։ 

«Հետևաբար, տնտեսությունը թիվ մեկ խնդիրն է, եթե տնտեսություն լինի, մենք հաջողություն կունենանք»,- համոզված է Լուկաշենկոն։

Նա նշել է, որ ամեն ինչ սկսվում է փոքր ու աննշան հակամարտություններից։