«Այցը կունենա լուրջ հետևանքներ». Չինաստանը պատասխանել է ԱՄՆ-ին
ԱՄՆ-ն ինքնաթիռներն ու ավիակիրներն ավելի մոտ է տեղափոխում Թայվանին, քանի որ ԱՄՆ Կոնգրեսի Ներկայացուցիչների պալատի նախագահ Նենսի Փելոսին կարող է այցելել կղզի, հայտնում է Nikkei Asia-ն։ Տեղեկատվությունը փոխանցում է ՌԻԱ Նովոստին:
Թայվանական լրատվամիջոցները հայտնել են, որ ԱՄՆ Կոնգրեսի Ներկայացուցիչների պալատի նախագահ Նենսի Փելոսին կարող է այցելել Թայվան։
ՉԺՀ-ն պատասխանել է՝ հայտարարելով, որ այցը կունենա «լուրջ հետևանքներ», և որ Չինաստանը վճռական քայլեր կձեռնարկի ազգային ինքնիշխանությունն ու տարածքային ամբողջականությունը պաշտպանելու համար։
Ավելի վաղ ԶԼՄ-ներում տեղեկություններ էին հայտնվել այն մասին, որ Փելոսին, որը զբաղեցնում է ԱՄՆ կառավարության հիերարխիայի երրորդ կարևորագույն պաշտոնը, ծրագրում է օգոստոսին այցելել Թայվան։ Այս մասին հայտնել են Financial Times եւ Politico թերթերը։ Հրապարակումների համաձայն՝ նա պատրաստվում էր այց կատարել դեռ ապրիլին, սակայն չեղարկել է այն կորոնավիրուսի պատճառով։ Այս այցը կլինի ԱՄՆ Ներկայացուցիչների պալատի խոսնակի 25 տարվա ընթացքում առաջին այցը կղզի։
