ՄԱԿ-ի Գլխավոր ասամբլեայի ղեկավարը ջնջել է Հայոց ցեղասպանության մասին գրառումը

ՄԱԿ-ի Գլխավոր ասամբլեայի նախագահ Աբդուլա Շահիդը թվիթերյան իր էջից ջնջել է Հայոց ցեղասպանության մասին իր գրառումը:

Նշենք, որ նա աշխատանքային այցով գտնվում է Հայաստանում: և այսօր այցելել է Հայոց ցեղասպանության հուշահամալիր, ինչի առիթով էլ գրառում էր արել.  «Հայոց ցեղասպանության զոհերի հուշահամալիրում ծաղկեպսակ եմ դրել։ Հատուկ շնորհակալություն եմ հայտնում թանգարան-ինստիտուտի տնօրեն Հարություն Մարությանին և Հասմիկ Մարտիրոսյանին՝ թանգարանում շրջայցի համար»:
 

Մի քանի ժամ անց ՄԱԿ–ի Գլխավոր ասամբլեայի նախագահը գրառումը ջնջել է, սակայն համացանցում մնացել են գրառման «հետքերը»։ Twitter-ում հայ օգտատերերը բողոք են հայտնել գրառումը հեռացնելու պատճառով և պահանջել կրկին հրապարակել այն: