Ռուսաստանում ավիափոխադրումը վտանգված է. Պուտին

ՌԴ նախագահ Վլադիմիր Պուտինը կառավարության հետ հանդիպման ժամանակ հայտարարել է, որ օդային փոխադրումների ներքին ոլորտը հարվածի տակ է Ռուսաստանի դեմ սահմանված պատժամիջոցների պատճառով։ Նա ընդգծել է, որ իրավիճակը սրվել է «ոչ համարժեք պատժամիջոցների» և «մեր նախկին արևմտյան գործընկերների որոշումների համատեքստում»։ Նրա խոսքերը մեջբերում է ՌԻԱ Նովոստին։

«Հենց նախկին, քանի որ նրանք հրաժարվում են աշխատել մեզ հետ»,- ասել է Պուտինը։

Նա ընդգծել է, որ ավիացիոն արդյունաբերությունը ռազմավարական նշանակություն ունի երկրի համար, քանի որ այն խթանում է բարձր տեխնոլոգիական արտադրանքի զարգացումը և աշխատատեղեր ստեղծում՝ միաժամանակ ունենալով «կարևոր դեր տրանսպորտային հասանելիության ապահովման գործում»։