Որքան գումար է պահվել պատգամավորներից. Radar

Չնայած ընդդիմադիր պատգամավորների բոյկոտին, նրանց բացակայություններն ԱԺ ղեկավարությունը համարել է անհարգելի, արդյունքում՝ նրանց աշխատավարձից պատկառելի մաս պահվել է։ 

Radar Armenia-ն ներկայացնում է, թե ովքեր են ԱԺ 8-րդ գումարման նստաշրջանի ամենաշատ անհարգելի բացակայած պատգամավորների 7-յակը և որքան գումար է նրանցից պահում կատարվել։

Արմեն Չարչյան («Հայաստան» խմբակցություն) - լիագումար նիստերից ունի 23 բացակա, պահում է կատարվել 737.397 ՀՀ դրամ, հանձնաժողովի նիստերից ունի 5 բացակա, պահում է կատարվել 162.509 ՀՀ դրամ։

Իշխան Սաղաթելյան («Հայաստան» խմբակցություն) - լիագումար նիստերից ունի 20 բացակա, պահում է կատարվել 857.815 ՀՀ դրամ: Լինելով ԱԺ փոխնախագահ, Սաղաթելյանը ընդգրկված չի եղել մշտական հանձնաժողովների կազմում։ 

Գեղամ Մանուկյան («Հայաստան» խմբակցություն) - լիագումար նիստերից ունի 20 բացակա, պահում է կատարվել 616.040 ՀՀ դրամ, հանձնաժողովի նիստերից նա ունի 3 բացակա, պահում է կատարվել  96.369 ՀՀ դրամ։

Արմեն Ռուստամյան («Հայաստան» խմբակցություն) - լիագումար նիստերից ունի 18 բացակա, պահում է կատարվել 551.166 ՀՀ դրամ, հանձնաժողովի նիստերից ունի 1 բացակա պահում է կատարվել 30.063 ՀՀ դրամ։

Լիլիթ Գալստյան («Հայաստան» խմբակցություն) - լիագումար նիստերից ունի 18 բացակա, պահում է կատարվել 551.166 ՀՀ դրամ, հանձնաժողովի նիստերից ունի 3 բացակա պահում է կատարվել 94.485 ՀՀ դրամ։

Արթուր Խաչատրյան («Հայաստան» խմբակցություն) - լիագումար նիստերից ունի 18 բացակա, պահում է կատարվել 586.715 ՀՀ դրամ, հանձնաժողովի նիստերից ունի 12 բացակա պահում է կատարվել 383.311 ՀՀ դրամ։

Արթուր Վանեցյան («Պատիվ ունեմ» խմբակցություն) - լիագումար նիստերից ունի 18 բացակա, պահում է կատարվել 558.467 ՀՀ դրամ։ Լինելով խմբակցության ղեկավար, նա ընդգրկված չի եղել ԱԺ մշտական հանձնաժողովի կազմում։ Վանեցյանը, հիշեցնենք, այս տարվա հունիսին վայր դրեց պատգամավորական մանդատը։