ԱՄՆ-ում հրազենը կարգելվի՞

ԱՄՆ վարչակազմը կշարունակի ձգտել զենքի հետագա խստացմանը և ԱՄՆ-ում հրազենի վաճառքի արգելքին: Այս մասին երկուշաբթի հայտարարել է ԱՄՆ նախագահ Ջո Բայդենը։ Այս մասին գրում է ТАСС-ը:
 

«Հրազենը պետք է արգելվի: ...Ես մտադիր եմ արգելել այդ զենքերը՝ մեծ հզորությամբ 30 պարկուճանոց պահունակները»,- ասել է ամերիկացի առաջնորդը՝ Սպիտակ տանը խոսելով մոտ 30 տարվա ընթացքում երկրում հրազենի շրջանառության նկատմամբ վերահսկողությունը խստացնելու մասին օրենքի մասին։ 

«Ես կանգ չեմ առնի, քանի դեռ չենք հասել այս արգելքին», - հավելել է պետության ղեկավարը։

Նրա խոսքով, վերջին երկու տասնամյակների ընթացքում ԱՄՆ-ում հրազենի կիրառման հետևանքով ավելի շատ դպրոցական է մահացել, քան ամերիկացի ոստիկաններն ու զինվորականները միասին վերցրած։ 

«Ամերիկայի Միացյալ Նահանգներում երեխաների մահվան թիվ մեկ պատճառը զենքերն են: Թույլ տվեք կրկնել սա: Զենքը երեխաների մահվան թիվ մեկ պատճառն է Միացյալ Նահանգներում` ավտովթարներից և քաղցկեղից առաջ...», - ասել է Սպիտակ տան ղեկավարը: 

«Մենք այլևս չենք կարող թույլ տալ, որ դա տեղի ունենա»,- հավելել է նա։