Ճապոնիայի նախկին վարչապետը մահացավ
Ճապոնիայի նախկին վարչապետ Սինձո Աբեն մահացել է իր վրա կատարված հարձակումից հետո: Այս մասին հայտնում է ՌԻԱ Նովոստին։
Քաղաքական գործիչը մահացել է Նարայի բժշկական համալսարանի հիվանդանոցում։ Նա 67 տարեկան էր։
Հիշեցնենք` վերջինիս վրա հարձակումը տեղի է ունեցել տեղական ժամանակով ժամը 11:30-ին Նարա քաղաքում նրա փողոցային ելույթի ժամանակ: Չարագործը երկու անգամ կրակել է նրա մեջքին 10 մետր հեռավորությունից, երկրորդ կրակոցից հետո նախկին վարչապետն ընկել է։ Նա վիրավորվել է պարանոցի եւ կրծքավանդակի շրջանում:
Կրակողին ձերբակալել են տեղում։
