Արևմուտքն իր և Ռուսաստանի միջև երկաթե վարագույր է իջեցնում
Արևմուտքն իր և Ռուսաստանի միջև երկաթե վարագույր է իջեցրել: Այս մասին հինգշաբթի հայտարարել է ՌԴ ԱԳ նախարար Սերգեյ Լավրովը, գրում է Kp. ru-ն:
«Ինչ վերաբերում է երկաթե վարագույրին, այն արդեն իջնում է, գործընթացը մեկնարկել է»,- ասել է Լավրովը Բելառուսի արտգործնախարար Վլադիմիր Մակեյի հետ համատեղ մամուլի ասուլիսի ժամանակ։
Լավրովը նաև ասել է, որ Ռուսաստանը ձեռնարկում է բոլոր միջոցները՝ Արևմուտքից կախվածությունը նվազեցնելու համար, հատկապես պետության և նրա բնակչության համար կարևոր արդյունաբերական ոլորտներում։
Միաժամանակ Սերգեյ Լավրովը խոստովանել է, որ ԱՄՆ-ն ցանկանում է թուլացնել ԵՄ-ը՝ նշելով, որ Եվրոպան ավելի շատ է տուժում հակառուսական պատժամիջոցներից, քան ԱՄՆ-ը։
