Դռնփակ բանակցություններ` Մեծ Բրիտանիայի և Թուրքիայի պաշտպանության նախարարների միջև

Անկարայում փակ բանակցություններ են տեղի ունեցել Թուրքիայի պաշտպանության նախարար Հուլուսի Աքարի և նրա բրիտանացի գործընկեր Բեն Ուոլեսի միջև, ով այցով գտնվում է Թուրքիայում։

Այս մասին հայտնում է TRT-ն:

Հաղորդագրության համաձայն՝ հանդիպումն անցել է դռնփակ։

Հաղորդվում է, որ պաշտպանության գերատեսչությունների ղեկավարները քննարկել են Ուկրաինայում ռազմական գործողությունները, ահաբեկչության դեմ պայքարը և պաշտպանական արդյունաբերության ոլորտում համագործակցության խորացումը։

Անդրադարձ է եղել նաև ուկրաինական հացահատիկի հարցի լուծմանը։

Հուլուսի Աքարն իր մամուլի հայտարարության մեջ ընդգծել է, որ Թուրքիայի և Մեծ Բրիտանիայի միջև հարաբերությունները բոլոր ոլորտներում շարունակվում են ռազմավարական գործընկերության հիման վրա։

 Այժմ գերատեսչություններն աշխատում են պաշտպանական արդյունաբերության ոլորտում արտահանման լիցենզիայի սահմանափակումների վերացման ուղղությամբ։

Թուրք նախարարը նշել է, որ անհրաժեշտ է Ուկրաինայում շուտափույթ հրադադար հայտարարել՝ տարածաշրջանում խաղաղությունն ու կայունությունը վերականգնելու համար՝ միաժամանակ աջակցելով պատերազմից տուժած երկրի անկախությանը, տարածքային ամբողջականությանը և ինքնիշխանությանը։