ԱՄՆ-ն Ռուսաստանի վրա ճնշումը մեծացնելու կոնկրետ առաջարկներ ունի

Ամերիկյան իշխանությունները Մեծ յոթնյակի գագաթնաժողովում պատրաստվում են ներկայացնել Ռուսաստանի վրա ճնշումը մեծացնելու և Ուկրաինային աջակցելու կոնկրետ առաջարկների փաթեթ։ Այս մասին հայտարարել է ամերիկյան վարչակազմի բարձրաստիճան ներկայացուցիչը, գրում է Kp.ru-ն:
 

«Առաջին հերթին, գագաթնաժողովում մենք կներկայացնենք Ռուսաստանի Դաշնության վրա ճնշումը մեծացնելու առաջարկների որոշակի փաթեթ և Ուկրաինային մեր հավաքական աջակցության ցուցադրումը»,- ասել է նա։
 

Միաժամանակ պաշտոնյան հավելել է, որ G7-ի առաջնորդները պատրաստ են քննարկել աշխարհում գնաճի հարցը։ Բացի այդ, նրանք մտադիր են քննարկել էներգետիկայի ու պարենային անվտանգության հետ կապված հարցեր։