Գրենլանդիան կարող է դառնալ ԱՄՆ 51-րդ նահանգը. Լենդրի

Դոնալդ Թրամփի բանագնաց Ջեֆ Լենդրին հայտարարել է, որ առաջիկայում Գրենլանդիան կարող է միանալ Միացյալ Նահանգներին որպես 51-րդ նահանգ:

ԱՄՆ նախագահը բազմիցս շեշտել է կղզու ռազմավարական կարևորությունը և չի բացառել, որ Միացյալ Նահանգները կարող է գրավել Դանիայի Թագավորության մաս կազմող այդ տարածքը: Ամերիկյան կողմի պնդմամբ՝ Ռուսաստանն ու Չինաստանը ձգտում են ընդլայնել իրենց ազդեցությունը տվյալ տարածաշրջանում:

Այս հայտարարություններին արձագանքել է Գրենլանդիայի արտաքին գործերի նախարարը՝ նշելով. «Մեր հողերի ապագան կորոշվի այստեղ՝ Գրենլանդիայում, և մենք դա ասել ենք հենց սկզբից: Չենք ցանկանում լինել ո՛չ ամերիկացիներ, ո՛չ դանիացիներ: Մենք գրենլանդացիներ ենք»։ Նրա ձևակերպմամբ՝ թեև Վաշինգտոնի պաշտոնական հայտարարություններն այլևս զարմանալի չեն, սակայն դրանք անհարգալից վերաբերմունք են արտահայտում Գրենլանդիայի ժողովրդի ու ամբողջ թագավորության հանդեպ: