Հորդանանի մայրաքաղաքում ֆուտբոլային երկրպագուների հավաքի ժամանակ հրմշտոց է տեղի ունեցել

Երեքշաբթի վաղ առավոտյան Ամանի կենտրոնում ֆուտբոլային երկրպագուների բազմամարդ հավաքի ընթացքում գրանցված հրմշտոցի պատճառով մեկ անձ զոհվել է, ևս ութը՝ ստացել վնասվածքներ։

Մեծ թվով երկրպագուներ հավաքվել էին Հաշիմյան հրապարակում՝ Աշխարհի առաջնության Հորդանան-Ալժիր հանդիպումը դիտելու նպատակով։ Խաղն ավարտվել է Հորդանանի հավաքականի պարտությամբ՝ 2:1 հաշվով։ Հրապարակում առաջացած ուժեղ բազմամարդությունն ու ամբոխի անկանոն շարժումը հանգեցրել են հրմշտոցի, ինչից հետո արտակարգ ծառայությունները հիվանդանոց են տեղափոխել ինը տուժածի։ 

Հաղորդագրության մեջ նշվում է, որ վիրավորներից մեկն ավելի ուշ մահացել է, իսկ մյուսները ստացել են թեթև և միջին ծանրության վնասվածքներ։ Այս իրադարձության մասին տեղեկացնում է Հորդանանի լրատվական գործակալությունը՝ հղում կատարելով երկրի Հանրային անվտանգության վարչությանը (PSD)։