Արմեն Փամբուխչյանն անդրադարձել է Երևանի ավագանու նիստի միջադեպին

Արմեն Փամբուխչյանը ներողություն է խնդրել Երևանի ավագանու նիստին արձանագրված տեսարանի համար և ներկայացրել դրա իրական պատճառները։

Նախ նա ներողություն է խնդրել այն տեսարանի համար, որը մարդիկ տեսել են Երևանի ավագանու նիստի ժամանակ, սակայն ցանկություն է հայտնել, որ հայտնի դառնան իրական պատճառները։ Ըստ նրա՝ «Մայր Հայաստան» անվանումով խմբակցությունը, որն արդեն իսկ բաժանված է Ռոբերտ Քոչարյանի և Գագիկ Ծառուկյանի միջև, փորձ է կատարել իրականացնել հերթական սադրանքը։ 

Նա նշել է, որ նրանք չունենալով տղամարդկություն՝ ամբիոնից կանգնելու և սեփական ելույթն ունենալու համար, մշտապես միջամտում են ելույթ ունեցողներին ռեպլիկներով, իսկ առանձին դեպքերում նաև վիրավորական ձևով։ Փամբուխչյանը հավելել է, որ իր կարծիքով՝ նրանց տեղը պետք է ցույց տրվեր։