Կողմերը մերձեցրել են դիրքորոշումները մի շարք հարցերի շուրջ․ Զախարովան՝ եռակողմ հանդիպման մասին
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում հայտարարել է, որ Մոսկվան ողջունում է Հարավային Կովկասում բոլոր տրանսպորտային և տնտեսական ուղիների ապաշրջափակման հարցով Հայաստանի, Ադրբեջանի և ՌԴ-ի փոխվարչապետների մակարդակով եռակողմ հանձնաժողովի նիստը, որը կայացել է հունիսի երեքին Մոսկվայում:
«Կողմերը մերձեցրել են դիրքորոշումները մի շարք հարցերի շուրջ, քննարկումները շարունակվել են հունիսի 16-17-ին Սանկտ Պետերբուրգի տնտեսական համաժողովի շրջանակում: Ռուսական կողմը կշարունակի սերտ աջակցություն ցուցաբերել տվյալ գործընթացին»,- ասել է Զախարովան
