Արևմուտքի ճնշումը ԵԱՏՄ երկրների վրա ուժեղանում է. ՌԴ վարչապետ

ՌԴ վարչապետ Միխայիլ Միշուստինը Մինսկում ԵԱՏՄ միջկառավարական խորհրդի նիստում ասել է, որ Արևմուտքի ճնշումը ԵԱՏՄ երկրների վրա ուժեղանում է, անբարյացակամ քայլերին պետք է համատեղ արձագանքել:

«Այս ճնշումը ազդում է ամբողջ կազմակերպության վրա: Եվ պատասխանի վրա մենք պետք է միասին աշխատենք»,- ասել է նա:

Ըստ Միշուստինի` առաջին հերթին անհրաժեշտ է նվազագույնի հասցնել նման ոչ բարեկամական գործողությունների ազդեցությունը ԵԱՏՄ քաղաքացիների վրա, ամրապնդել մակրոտնտեսական կայունությունը, անհրաժեշտ է նաև ավելացնել ներմուծման փոխարինումը, նվազեցնել արտաքին մատակարարումներից կախվածությունը և հիմնել սեփական արտադրությունը։ 

Վերջինիս խոսքով` ստեղծված իրավիճակում անհրաժեշտ է պայմաններ ստեղծել բիզնեսի համար, արագացնել անցումը սեփական միջազգային հաշվարկային մեխանիզմներին, ընդլայնել ազգային արժույթների օգտագործումը արտաքին առևտրում։