ՏԵՍԱՆՅՈՒԹ․ Ռուսական «Россия 1»-ի եթերում գովում են ադրբեջանցիներին, առաջ տանում նրանց՝ Շուշիի մասին կեղծ թեզերը
Ռուսական «Ռոսիա-1» հեռուստաընկերության ռեպորտաժը, որտեղ գովում են ադրբեջանցիներին, առաջ տանում նրանց թեզը հայկական Շուշիի և Արցախի օկուպացված տարածքների մասին՝ զայրույց է առաջացրել հայ հասարակության շրջանում, փոխանցում է Infoteka24 տելեգրամի ալիքը։
«Россия 1»-ի «Вести недели» հաղորդուման ընթացքում հնչում են Ադրբեջանի կեղծ քարոզչական թեզերը հայերի կողմից քաղաքն իբր ավերելու մասին։ Զեկույցն, իհարկե, բուռն վրդովմունք է առաջացրել Հայաստանում։ Լրատվամիջոցները և հասարակության ներկայացուցիչները դիմել են ՌԴ պատկան մարմիններին և հեռուստաալիքի ղեկավարությանը հայ-ռուսական հարաբերություններին վնաս պատճառող իրավիճակը ուսումնասիրելու խնդրանքով։
