Իսրայելը Սիրիայի նախագահին սպառնացել է ռմբակոծել նրա պալատները
Իսրայելը Սիրիայի նախագահ Բաշար ալ Ասադին սպառնացել է ռմբակոծել նրա պալատները, եթե նա չդադարեցնի կամ չնվազեցնի երկրի տարածքում ռազմական համագործակցությունն Իրանի հետ: Այս մասին գրում է The Jerusalem Post-ը՝ արաբական Elaph լրատվական կայքին հղումով:
Ըստ իսրայելական բարձրաստիճան զինվորական աղբյուրի՝ Թել Ավիվը նախազգուշացրել է Ասադին, որ իր երկրում Իրանի գործողությունների հետագա կոծկումը և զենքի փոխանցումը Թեհրան կարող են հանգեցնել Սիրիայի նախագահի համար իր պալատներից մեկի կորստի:
Տեղեկությունը պաշտոնապես չի հաստատվել:
Աղբյուրը նկատում է, որ ենթադրյալ սպառնալիքի մասին հայտնի է դարձել օրեր այն բանից հետո, երբ Իսրայելը ռմբակոծել է Դամասկոսի միջազգային օդանավակայանը՝ թիրախավորելով Իրանի Իսլամական հեղափոխության պահապանների կորպուսի կողմից Սիրիա ուղարկված քաղաքացիական ինքնաթիռներով իրանական առաջադեմ զինատեսակների բեռները:
