Արարատ Միրզոյանը` ընդդիմադիրների ցույցերի մասին
Կարող եմ միանշանակ պնդել՝ Հայաստանում քաղաքական ճգնաժամ չկա, ԱԳՆ-ում հրավիրված մամուլի ասուլիսի ընթացքում հայտարարեց արտգործնախարար Արարատ Միրզոյանը։
«Որքանով հասցրել եմ հետևել, տեղի ունեցող միտինգների բազմամարդությունը կամ սակավամարդությունը չի խոսում այն մասին, որ այդ հանրահավքները աջակցություն ունեն քաղաքացիների կողմից։ Միևնույն ժամանակ ուզում եմ նշել, որ Հայաստանը ժողովրդավար երկիր է և բոլորը խաղաղ հանրահավաքներ անցկացնելու իրավունք ունեն», - նշել է Միրզոյանը։
Նախարարը, շարունակելով խոսել ընդդիմադիրների մասին նաև ասաց, որ իր կարծիքով իրականացվող գործընթացներում ողջախոհության հետ կապված հարցեր կան:
«Այդ քաղաքական ուժերը հնարավորություն ունեն իրենց գործունեությունը ծավալել խորհրդարանում և սուր քննադատության ենթարկել իշխանություններին, որից իրենք չեն օգտվում», - ասաց Միրզոյանը։
