ՌԴ-ում օտարերկրյա գործակալ ճանաչված «Դոժդ» հեռուստաալիքը կհեռարձակվի Լատվիայում
Ռուսական «Դոժդ» հեռուստաալիքը, որը ՌԴ-ում որպես օտարերկրյա գործակալ է ճանաչվել, հեռարձակվելու է Լատվիայում։
Լատվիայի Էլեկտրոնային լրատվամիջոցների ազգային խորհուրդը հայտնել է, որ հեռուստաալիքին բալթյան այս հանրապետությունում հեռարձակման արտոնագիր է տրամադրվել, գրում է ՏԱՍՍ-ը։
«Այս մասին բանակցությունները տարվել են գրեթե երեք ամիս, դրանք ավարտվել են լիցենզիայի տրամադրմամբ»,- ասել է գերատեսչության ղեկավար Իվարս Աբոլինսը։
Լատվիայում «Դոժդ»-ի հեռարձակումը կսկսվի հունիսի 9-ին:
