ՏԵՍԱՆՅՈՒԹ. «Ինչ վարման կարգով, նիստ չկա». ընդդիմության նախաձեռնած ԱԺ արտահերթ նիստը չկայացավ
ԱԺ ընդդիմադիր խմբակցությունների հրավիրած ԱԺ արտահերթ նիստը չկայացավ, քանի որ «Քաղաքացիական պայմանագիր» խմբակցությունը չի մասնակցում նիստին։ Նիստի օրակարգում մեկ հարց է՝ «Հայ-ադրբեջանական և հայ-թուրքական հարաբերությունների կապակցությամբ» ԱԺ հայտարարության նախագիծը։
«Պատիվ ունեմ» և «Հայաստան» խմբակցությունները եկել են խորհրդարան, գրանցվեց 33 պատգամավոր, քվորում չապահովվեց։ ԱԺ նախագահ Ալեն Սիմոնյանն ասաց, որ «ԱԺ կանոնակարգ» սահմանադրական օրենքի 51-րդ հոդվածի 4-րդ մասի համաձայն՝ գրանցումը շարունակվում է՝ մինչև անհրաժեշտ թվով պատգամավորների գրանցումը, բայց ոչ ավելի, քան 4 ժամ։
