ՏԵՍԱՆՅՈՒԹ․ Ընդդիմության պատգամավորները մտել են հյուրանոց և դահլիճի դռան մոտ վանկարկում են
Ընդդիմության պատգամավորները մտել են հյուրանոցի տարածք, բայց այս պահին նրանց թույլ չեն տալիս մուտք գործել համաժողովի անցկացման դահլիճ: Պատգամավորները՝ Հայկ Մամիջանյանը, Աննա Մկրտչյանը, Աննա Գրիգորյանը, Ագնեսա Խամոյանը և այլք, միջանցքում են՝ այդ դահլիճի դռան մոտ, և անգլերենով վանկարկում են «Նիկոլ, դավաճան»:
Հիշեցնենք, որ ցուցարարները Հանրապետության հրապարակում են՝ Marriott Armenia Hotel-ի դիմաց, որտեղ Freedom House միջազգային կազմակերպությունն անցկացնում է «Հայկական ժողովրդավարությունը» թեմայով ֆորում: Նախատեսված է Նիկոլ Փաշինյանի ելույթը: Ներկա են նաև Հայաստանում ԵՄ ու ԱՄՆ դեսպանները:
Հիշեցնենք նաև, որ ՀՀ-ում է Լիտվայի նախագահ Գիտանաս Նաուսեդան, ում դիմավորման պաշտոնական արարողության ժամանակ Բաղրամյան 26–ի դիմաց ակցիա էին իրականացնում «Դիմադրություն» շարժման աջակիցները։
