Ֆիլիպ Կիրկորովի հոր առողջական վիճակը վատթարացել է
Ռուսական բեմի արքա Ֆիլիպ Կիրկորովի հայրը՝ Բեդրոս Կիրկորովը, հայտնել է առողջական վիճակի վատթարացման մասին։
«Ինձ մոտ ամեն ինչ լուրջ է, ոչ ոք չի ուզում վիրահատել, արտառոց դեպք է։ Նրանք չեն կարողանում դուրս հանել ոսկորը, որը ճնշում է նյարդային բջիջներին, եւ թույլ չի տալիս ազատ քայլել։ Ասես էլեկտրականությունը հարվածի ոտքիս»,- ասել է 90-ամյա Կիրկորովը` «Կոմսոմոլսկայա պրավդա»-յին։
Ավելի վաղ լրագրողները հայտնել էին երգչի հոր առողջական վիճակի կտրուկ վատթարացման մասին, ինչի պատճառով էլ նա հոսպիտալացվել էր։
