«Թուրքիան Ռուսաստանի դեմ պատժամիջոցներին չի միանա». Չավուշօղլու
Թուրքիան չի պատրաստվում միանալ Ռուսաստանի դեմ պատժամիջոցներ սահմանած երկրների խմբին։ Այս մասին հայտարարել է այդ երկրի արտաքին գործերի նախարար Մևլութ Չավուշօղլուն։
«Մեր դիրքորոշումը պարզ է, մենք չենք միանում և թույլ չենք տա՝ դա անել մեր միջոցով»,- ասել է թուրք պաշտոնյան՝ հավելելով, որ Ռուսաստանի դեմ արդեն կիրառված պատժամիջոցներն ազդել են նաև Թուրքիայի վրա։
Հիշեցնենք՝ ԵՄ երկրները համաձայնության են եկել Ռուսաստանի դեմ պատժամիջոցների վեցերորդ փաթեթի շուրջ:
Տեղեկացնենք, որ հունիսի 8-ին նախատեսվում է Լավրովի այցը Թուրքիա:
