Ռուսաստանը չպետք է միայնակ պայքարի ՆԱՏՕ-ի ընդլայնման փորձի դեմ․ Լուկաշենկո

Ռուսաստանը չպետք է միայնակ պայքարի ՆԱՏՕ-ի ընդլայնման փորձի դեմ: Այս մասին հայտարարել է Բելառուսի նախագահ Ալեքսանդր Լուկաշենկոն՝ Մոսկվայում ՀԱՊԿ գագաթնաժողովում։ 

«ՆԱՏՕ-ն ագրեսիվ կերպով մեծանում է՝ իր մոտ ձգելով չեզոք երկրները եւ գործում է «Ով մեզ հետ չէ, նա մեր դեմ է» սկզբունքով: Լուկաշենկոն նաև նշել է, որ Արևմուտքի «դժոխային» պատժամիջոցներից կարելի էր խուսափել, եթե ՀԱՊԿ երկրները միասնական ճակատով հանդես գային իրենց դեմ։ Աշնանը նախատեսվում է ՀԱՊԿ-ի համատեղ զորավարժությունների մի ամբողջ շարք, դրանց քանակը կընդլայնվի։ Նախագահը նաեւ հայտնել է, որ ՀԱՊԿ-ի ղեկավարները համատեղ հայտարարություն կընդունեն ռազմական փոխգործակցության մասին, այդ թվում ՝ հաշվի առնելով Ղազախստանում խաղաղապահ գործողության արդյունքները: Արևմուտքի գլխավոր նպատակն է Ռուսաստանին հնարավորինս թուլացնելը, նրան «խեղդել այս պատերազմում»,- ասել է Լուկաշենկոն։