Շրի Լանկայի նախագահն ընդունել է վարչապետի հրաժարականը
Շրի Լանկայի նախագահ Գոտաբայա Ռաջապակսան ընդունել է վարչապետ Մահինդա Ռաջապակսայի հրաժարականը, գրում է Sri Lankan Daily Mirror-ը։
Համապատասխան ծանուցումը հրապարակել է կղզի-պետության ղեկավարի քարտուղարությունը։ Նախագահի ավագ եղբայր, վարչապետ Մահինդա Ռաջապակսան հրաժարականի դիմում է ներկայացրել մայիսի 9-ին։ Ավելի վաղ Շրի Լանկայի վարչապետ Ռաջապակսան հրաժարական էր տվել զանգվածային բողոքի ակցիաների ֆոնին՝ սննդի պակասի պատճառով։
Մայիսի 6-ին Շրի Լանկայի նախագահ Գոտաբայա Ռաջապակսան երկրում արտակարգ դրություն է հայտարարել բողոքի ակցիաների պատճառով։
